Loading color scheme

Nieuws

"Van duuven en menschen", vlaemsch stikje deur 'n volkstheater van Flor Barbry

Volkstheater van Flor Barbry'N volkstheater voor Fransch Vlaenderen van Flor Barbry is weere om 't sezoen  2008-2009. Hen het een stikje van 't jaere 1990 vernieuwt : "Van duuven en menschen". Dat stikje gaet in 't westvlaemsch espelt zyn. 'N volkstheater van Flor Barbry gaet in 13 prochies van Fransch Vlaenderen en 14 van Vlaenderen van over de schreeve speelen tusschen 'n 22sten van november en 'n 1sten van maertemaend. 'T is vansichten 't jaere 1954 dat 'n volkstheater spelt mee succes en j' en kut de stikjes nie gaen zien en hooren zonder lachen ... of kryschen. Die stikjes zyn oek d'okkaesje vansichten meer of 50 jaeren van t' hooren dat nuuze streeketaele, een taele van de Vlaemingen van de twee kanten van de schreeve is. Om meer te weeten, gaet maer daer kyken :  http://www.volkstoneel.be/

4de Taele en Muuzyk Feestdaegen, 10-11-12 oktober 2008 nae’ Laffernhoeke

Festival 2008 - Feestdaegen 2008
De 4de feestdaegen van d’ANVT gaen op de vlaemsche kuste gebeuren. ‘T gaet d’okkaesje zyn van de klank van de vlaemsche muuzyk te hooren en oek de muuzyk van de vlaemsche taele.Deze keer, de joungens van de schoolen van Laffernhoeke gaen bezien van nuuze streeketaele te klappen en te zingen. Me gaen een spil van klassyke muuzyk over « de vlaemsche zee » kunnen hooren. Toen, ‘t zyn de Rhetorykers die gaen klappen mee nulder moedertaele.  Me gaen in de volksbaele kunnen dansen en volksmuuzyk en muuzyk van nuuw hooren.Voor de Vlaemingen van Frankryke en van Belgie, voor de menschen die vlaemsch klappen of nie, ‘t gaet een goede weeke ende zyn.

De members van 'n parlement en de bescherminge van de streeketaelen

‘N 6sten van mei, z’hen een vergaeringe opericht mee d’assosyaesjen in ‘n eersten kamer van d’Assemblée Nationale. Ze wulsten weeten wulk me wullen doen of hen voor nuuze streeketaelen. D’ANVT waes enoodt en z’het meiedaen. M’hen d’okaesje hen van te zeggen dat me wullen hetzelfde hen voor het vlaemsch als d’andere streeken hen voor nuldere taelen.‘N 7sten van mei, z’hen in ‘n Parlement eklapt op de plekke van streeketaelen in de Societeit. En z’hen beschikt van een wet te vooizen om deze taelen te beschermen.En ‘n 22sten van mei, z’hen oek beschikt van ‘n eersten artikel van de Constitution te veranderen om te schryven dat “de streeketaelen zyn een gedeel van ‘t erfgoed van de naesje”.‘T en is nog nie edaen, maer me peinzen dat z’hen voortwaert egaen op de weg van de bescherminge van de 75sten streeketaelen van Frankrykke en overal van nuus vlaemsch. (De teksten zyn in ‘t fransch eschreven)

Vlaemsche lessen en Konversaesjen begunnen in d’arroundyssement van Duunkerke

Cours de flamand - Vlaemsche lessen
Om ‘t nieuw schoolejaer, ‘t zyn 21 vlaemsche lessen die in 15 prochien opericht zyn en oek 6 konversaesjen in Fransch-Vlaenderen. ‘T is nuuw de tweede jaer dat vlaemsche lessen egeeven zyn aen de joungens van 4 schoolen van nuuze streeke van ‘t CE2 toet ‘t CM1.Mee d’associaesjen, de leerlingen kunnen recht kommen of bellen om meer te weeten. Ze kunnen oek kommen voor d’eerste keer toet achter d’eerste maend. Ze gaen toen d’eerste lessen kunnen weerevangen.

Vlaemsche Taele en Redekykers naer Ekelsbeke

Om ’t vierde jaer, d'Akademie voor Nuuze Vlaemsche Taele het nog een keer mit de Mynysterie voor de Kuulture edaen.Om de 13de Weeke van de Fransche Taele en van de Taelen van Frankryk, de leerlingen van de vlaemsche lessen hen teksten en gedichten eschreeven in de vlaemsche streeketaele, maer oek in 't fransch.
Ze gaen nulder geschryften kunnen leezen beinste de Rederykers Aven naer Ekelsbeke 'n 17sten van mei toet 20 eure in de brouwerie Thiriez. Gy zyt welekomen om de vlaamsche tale t' hooren an jun herte klappen !
Je gaet hier 'n program vinden.

Subcategorieën

Nieuws van 't Nethuuseke 3

Deze nieuws gaen an 't verbeeteren van 't nethuuseke

letterkunste, medias en leute 9

Die aktualyteiten klappen van de nieuwe boeken of CDs in 't Vlamsch maer oek van leuteprograms (theater,...)

Uutvaelen 123

Je gaet hier defrente uutvaelen vinden op 't vlaemsch.

Muuzyke Feestdaegen, Feesten van de taelen, ...

'T gebruuk van 't Vlamsch 79

Je gaet hier d'aktyviteiten van 't gebruuk van 't vlaemsch vinden
Vlaemsche lessen, konversaesjen, ...

Nieuws van de ANVT 55

Les actualités suivantes concernent directement l'institut.

Exemples: Assemblée Générale, Réunion au Ministère de l'éductation, ...

 

Soorten

Spreuken & Spreekwoorden

  • Maerte vindt ze vul
  • Kaffie speute
  • Oolje_booven
  • Tonge_taele