Vlamsch 
Français 
English Nieuws
Een vlaemsch/fransch netoordenboek
Je gaet nuuw een oordenboek kunnen vinden op 't nethuuseke van d'Akademie voor Nuuze Vlaemsche Taele.
'T werk van den werkgroep "Akademie" is edaen mit d'helpe van den boek van Jean Louis Marteel en van den oordenboek Fagoo-Sansen-Simon. D'Akademie gaet voorwaert mee zyn oordenboek al schryven d'oorden mee de nieuwe spellinge die beschikt ewist het van de members van dien werkgroep. 'T zyn al 1200 vlaemsch/fransch oorden en 500 spreuken. Elk maend een nieuwen deel gaet op 't nethuuseke eleid zyn toet dat me gaen 10.000 oorden en bekan 4.000 spreuken hen. Me gaen oek een fransch/vlaemsch deel leggen op 't nethuuseke binste kortemaend. Ton, me gaen twee keer zo veele oorden hen.
Den werkgroep "Bewaering van de Taele" werkt oek elk maend, mit een stik of twaelve members dien ossan vlaemsch eklapt hen, om mei te doen om oorden te kunnen vinden voor den oordenboek. Den oordenboek gaet ton edrukt zyn mee 10.000 vlaemschen oorden. De kosters en de leerlingen, en alle de menschen dien in 't vlaemsch schryven, beiden achter een zulken boek. Azoo, ze gaen den boek kunnen krygen, een bitje op een keer en zounder te betaelen.
6de Taele en Muuzyke Feestdaegen
8 - 9 - 10 oktoober 2010
Hooimille
De Feestdaegen zyn opericht mee de Landen van Vlaenderen : de joungens van de schoolen gaen bezien van t vlaemsch te klappen, vergaeringe van rhetorykers, volksbaele, vlaemsche karillon muuzykespils, vlaemsche muuzykespils van oovertyd en van nuuw, expozysjen, oude sports.
Vlaemsche lessen en Konversaesjen begunnen in darroundyssement van Duunkerke
Om t nieuw schoolejaer, de vlaemsche lessen gaen voorwaert. Deeze keer, m'hen 25% lessen meer mee Duunkerke, Steenvoorde, Belle (2) en Nieppe. In darroundyssement van Duunkerke, je gaet nuuw 25 vlaemsche lessen en 6 vlaemsche konversaesjen vinden en 12 vlaemsche lessen dien op schoole egeeven zyn (4 CE2, 4 CM1 et 4 CM2 in 4 schoolen : 3 puublyke schoolen en 1 lyber schoole). Buuten t schoole, de lessen zyn egeeven mee dhelpe van associaesjen of gemeenten en dANVT doet de Vlaemsche lessen verbeeteren.Oopen deure ... op de vlaemsche taele
3 jaeren achter 't begun, den Vlaemsche Boeken en Geschryften Center van d'Akademie voor Nuuze Vlaemsche Taele gruuit.
Hen is nuuw in een nieuwe plekke van den Kulteure Center van Steenvoorde, langs de Carnotstraete mee d'helpe van de stei van Steenvoorde. Hen is oopen 3 daegen te weeke : den maendag, den dysendag, en den woensdag, van ten 9en toet ten noene en van ten 14en toet ten 17en en oek den eersten zaeterdag van elk maend van ten 9en toet ten noene.
Je gaet daer veele geschryften op de vlaemsche taele vinden ( oordenboeken, boeken op de taele, bandopnaemen, geschryften op de plaetsennaemen, boeken van vlaemsche lessen, Cds van vlaemsche muuzyke,...). Je gaet oek kunnen helpe vraegen aen de menschen dien daer werken om een tweetaeligen plakkaert of geschryft doen om je prochie, jen associaesje of je winckel.
Komt maer om dat nieuw brokke alaem van de vlaemsche taele te zien.
Oopen Deure, zaeterdag den 25sten van september van ten 9en toet ten 17en
44 Carnotstraete, Steenvoorde
Oopen Deure, zaeterdag den 25sten van september van ten 9en toet ten 17en
44 Carnotstraete, Steenvoorde
Vlaemschen Rhetorykers avend naer Quaedyper
Om 't zesde jaer, d'Akademie voor Nuuze Vlaemsche Taele het nog een keer mit de Mynysterie voor de Kuulture edaen. Om de 15de Weeke van de Fransche Taele en van de Taelen van Frankryk, de leerlingen van de vlaemsche lessen hen teksten en gedichten eschreeven mee de vlaemsche streeketaele maer oek in 't fransch. Ze gaen nulder geschryften kunnen leezen beinste de Rhetorykers avend naer Quaedyper zaeterdag 'n 5den van juuni op 17:30 in de 't Hofstee van 'T Zwaert Peerd van Quaedyper. Gy zyt welekomen om de vlaemsche taele t' hooren an jun herte klappen !
Klykt maer op 't zantje.
Subcategorieën
Nieuws van 't Nethuuseke 3
Deze nieuws gaen an 't verbeeteren van 't nethuuseke
letterkunste, medias en leute 9
Die aktualyteiten klappen van de nieuwe boeken of CDs in 't Vlamsch maer oek van leuteprograms (theater,...)
Uutvaelen 122
Je gaet hier defrente uutvaelen vinden op 't vlaemsch.
Muuzyke Feestdaegen, Feesten van de taelen, ...
'T gebruuk van 't Vlamsch 79
Je gaet hier d'aktyviteiten van 't gebruuk van 't vlaemsch vinden
Vlaemsche lessen, konversaesjen, ...
Nieuws van de ANVT 55
Les actualités suivantes concernent directement l'institut.
Exemples: Assemblée Générale, Réunion au Ministère de l'éductation, ...
Spreuken & Spreekwoorden
