Loading color scheme

Nieuws

Steivooizinge : wuk peinst julder kandidaet van de Vlaemsche streeketaele ?

Je weunt in Fransch-Vlaenderen ?

'T is hooge tyd van dat nhem te vraegen.

De ANVT propooseert van dien brief te zenden an den(de) kandidaet(en) van je prochie om te weeten wuk dat hen(ze) wult(wullen) doen om 't leeren van 't Vlaemsch in de schoole en om de tweëtaelige panneels en wegwyzers in je stei.

Je moet de antoorde(n) geeven, me gaen ze schryven op 't nethuuseke van de ANVT

Een nieuwen groep van Vlaemsche konversaesjen operecht naer Koudekerke

SOS Blootland (associaesje-member van de ANVT) en de "Plaisirs de la Vie", hen een nieuwen groep van Vlaemsche konversaesjen operecht naer Koudekerke in de Simonssaele - Jean Vilar Center, den 28sten van kortemaend van ten 14nen toet den 16nen mee de helpe van Bernard Dannoot. Den program : Vlaemsch leezen, gedichten zeggen en liedjes zingen al een potje kaffee drinken. Mee een stik of veertig meidoenders, 't was een heelen suukses. Ze kommen weere den 14sten van maertemaend in de zelfde saele en op de zelfde eure.

Nog een keer een nieuw hoeksche waer dat me gaen de Vlaemsche taele tegaere kunnen klappen en doen verbeeteren. Felicitaesjen an de vrywilligen !

Vooizinge van de propoozysje van wet om de weereteekeninge van de Keure om de streeketaelen

Dysendag, 70 % van de depuuteis hen evooisd om de Konstituutionneelewet om de Europeansche Keure van de streeketaelen te weereteeken. ’T is een recht suukses. De liefhebbers van de streeketaelen hen nog nie ewonnen maer ze zyn op den goeden weg !
Den tekst van de propoozysje van wet is nuuw in den Senat ineschreeven om daer oek evooisd te zyn.
Me weeten ael dat zonder de weereteekeninge van de Keure, nuuze streeketaelen gaen een lytje op een keer verdwynen.
Den tekst dien evooisd het van de depuuteis en is nie den besten van de weereld maer ’t is beeter mee die wet of geen wet om nuuze taelen.

En nuuw, hoe hen de depuuteis van nuuze streeke evooisd ?
In ’t Noorden : ’t zyn 62 % van de depuuteis die om de wet evooisd hen en me moeten de 2 Vlaemsche depuuteis dien in nuuzen Raed zetten bedanken om wel evooisd te hen : Jean-Pierre Allossery en Jean-Pierre Decool (in nuuze streeke, hen was aleëne in den UMP van evooisd te hen om de wet). 
In ’t Pas de Calais : ’t zyn daer 92 % die om de wet evooisd hen !
’T maekt 73 % om d’heële streeke. ’T zyn goede nieuws om ’t Vlaemsch en om ’t Picaerdsch.
Gy die dat leest, je moet an je depuutei schryven om nhem te bedanken at hy om de wet evooisd het.

Members van de FLAREP zyn naer de Ministeerje van 't Schoole en van de Hoogeschoolen ewist

Den 12sten van kortemaend, een stik of 4 members van de Federaesje om de Streeketaelen in 't Puublyk Schoole is in de Ministeerje van 't Schoole en oek van de Hoogeschoolen egaen.
Achter de vooizinge van de propozysje van de Konstituutionneele wet om de Keure van de streeketaelen te weereteeken en achter de wet van de weerefondaesje van 't schoole, deeze vergaeringe wos operecht om te klappen van alle dan me wullen krygen om nuuze taelen en eerst van de achte poointen dat me hen evraegd binste de jaervergaeringe van de FLAREP en zeekers een echte plekke om 't Vlaemsch in 't tweetaelig leeren.

De Konstituusje veranderen om de Euroopeansche Keure om de Streeketaelen te kunnen weereteeken

Achter 5 propoozysjen van konstituusje wet vansichten Oktoober 2013, eën van die teksten gaet ekeeken zyn in den Parlement op dien woensdag 22sten van nieuwejaermand. 
Omwyne ? om de Konstituusje te kunnen veranderen om dat Frankryke de Euroopeansche Keure om de Streeketaelen kut weereteeken.
Deeze keer, me hoopen dat de Linksche en de Rechtsche gaen kunnen meiwerken om nuuze taelen te kunnen beschermen en vergruuien
Op de lyste van de depuuteis die de propoozysjen eteeken hen, 2 Vlaemsche depuuteis : Jean-Pierre Allossery en Jean-Pierre Decool.
Toet allicht om meer te weeten.


Subcategorieën

Nieuws van 't Nethuuseke 3

Deze nieuws gaen an 't verbeeteren van 't nethuuseke

letterkunste, medias en leute 9

Die aktualyteiten klappen van de nieuwe boeken of CDs in 't Vlamsch maer oek van leuteprograms (theater,...)

Uutvaelen 122

Je gaet hier defrente uutvaelen vinden op 't vlaemsch.

Muuzyke Feestdaegen, Feesten van de taelen, ...

'T gebruuk van 't Vlamsch 79

Je gaet hier d'aktyviteiten van 't gebruuk van 't vlaemsch vinden
Vlaemsche lessen, konversaesjen, ...

Nieuws van de ANVT 55

Les actualités suivantes concernent directement l'institut.

Exemples: Assemblée Générale, Réunion au Ministère de l'éductation, ...

 

Soorten

Spreuken & Spreekwoorden

  • Maerte vindt ze vul
  • Kaffie speute
  • Oolje_booven
  • Tonge_taele