Régis Laporte, burgemeëster van Herzel het de 18de Keure "Ja om 't Vlamsch" zaeterdag handteëkt.
'T is in den kaeder van de feesten van de associaesjen dat me gister de keure om de tweëtaelige paneels handteëkt hen. En me hen begunnen mee de paneels van 't ingaen van de prochie die nuu "Herzel" eschreeven gaen zyn.
Herzel deurdat 't is azoo dat de Herzelnaers de naeme zeggen in 't Vlamsch en me hen dat oek azoo evonden in oude papieren van de jaeren 1651, 1731 en oek in de dertiende eeuwe.
'T is mee den senateur Jean-Pierre Decool, den depuutei Paul Christophe, den raedsman en de raedsvrouwe van den Departement Patrick Valois en Anne Vanpeene, en de raedsvrouwe van de Streeke Valérie Vanhersel dat me de keure van 16 poointen mit den burgemeëster handteëkt hen.
En hen het ton 't liedje van de gaeieperse in 't Vlamsch ezongen.