Loading color scheme

Nieuws van de ANVT

Les actualités suivantes concernent directement l'institut.

Exemples: Assemblée Générale, Réunion au Ministère de l'éductation, ...

 

De ANVT en den Raed van den Departement

CDN tourismeCDN relations internationales<===  De ANVT (JP Couché en Benedicte Crepel) was den 9sten van Oktoober mee Brigitte Astruc-Daubresse (onder-prezidente van den Departement van 't Noorden voor de tourisme en 't leeven van de associaesjen) nae La Gorgue om te werken op "Me goesten in Vlaenderen", een ekspozysje die gaet nae Rysel gebeuren op nuuze streeke in 't Huus van de Tourisme waer de bezoekers nuuze schoone streeketaele gaen kunnen hooren lik 't teëken van de streeke.

Jean-Paul Couché, voorzitter van de ANVT, was den 10sten van Oktoober nae Rysel in den Raed van den Departement van 't Noorden om mei te doen mee Sylvie Labadens, onder-prezidente voor de Internationale Zaeken voor een vergaeringe op "de Vlamsche taele en 't werk op de tweë kanten van de schreeve". Ze zyn alle tweë gereëd om tegaere te werken.      ===>

De 11ste gazette is edrukt

Gazette n.11De gazette n. 11 van de ANVT is edrukt. Et je nie ineschreeven en zyt, je kunt dat doen al klyken op 't zantje.

De streeketaelen in de Ministeerje van 't Schoole

Bezoek FLAREP & ANVT in de Ministeerje voor 't SchooleJe gaet hier de verhalse vinden van de vergaeringe van de Akademie voor Nuuze Vlaemsche Taele en de Federaesje voor de Streeketaelen in 't Puublyk Schoole nae de Ministeerje van 't Schoole die dysendag den 20sten van Oktoober nae Parys gebeurd het.

Je gaet oek den brief van de minister van 't Schoole, Najat Vallaud-Belkacem, kunnen leezen.

'T is ael in 't Fransch eschreeven maer 't zyn de officiële teksten.


Gazette verhalse                  Brief van de Minister 

Oopen antoord eegen Guy Bourel

Tusschen de brieven en de woorden van de menschen die nuus onderhouden, me vinden altemets eën of tweë die vechten teegen nuus dat de pluumen vliegen en die wullen dat nuuze historyke taele - 't Westvlamsch - de plekke laet an een andere die van Holland komt, die gebruukt ewist het om Vlaenderen, Brabant en Limburg een enkele taele te geeven dat de Fransch-Vlaemingen nie en verstaen.

Waerom wullen ze dat ? Een polityke reeden misschiens ?

Je gaet hier kunnen leezen hoe zulke menschen - hier Guy Bourel - kunnen droevighyds mee kracht en macht schryven (den brief en is nie meer zienlik deurdat dien man het dat evraegd of is dat een oopenbrief is) van nuus werk en oek van nuus Ryk.
'T is daerom dat nuuzen prezident zet de klaps weere rond de kuulteure en de taelekunste en 't zoudt beeter zyn et elkendeën azoo doet om nuuze kuulteure te bewaeren.

'T Vlamsch in de Kolleege : Teekt de petysje !

De Minyster van de Onderwyzinge, Najat Vallaud-Belkacem, wult nieuwe teksten doen schryven om ’t Leeren in de Kolleegen zonder een goede plekke an de streeketaele geeven.
Om nuuze stemme te doen hooren, de Federaesje om de Streeketaele in de Puublyke Schoolen het mee nuus een petysje eschreeven die van rond 3 duust menschen al eteeken ewist het in eënigste daegen.
Kunt je die petysje oek teeken al schryven dat je wult dat ze doen ’t Vlamsch in de Kolleegen leeren.