Vlamsch 
Français 
English Je gaet hier defrente uutvaelen vinden op 't vlaemsch.
Muuzyke Feestdaegen, Feesten van de taelen, ...
Uutvaelen
De 9ste Taele en Muuzyke Feestdaegen 18-19-20/10/2013 - Hondschoote
De 9ste Feestdaegen van de Akademie voor Nuuze Vlaemsche
Taele zyn gereëd !Ze gaen om de eerste keer naer Hondschoote gebeuren, Vlaemsche stei mit een ryke patrimoonje.
Een keer in de Daniel Peenessaele (by de groote platse), de andere keer in
't eksterneere steihuus, den program gaet nog een keer vul zyn : vlaemschinitiaesje
om de schoolejoungens van t stei, konferensje op de historie van nuuze streeke,
vergaeringe van rhetorykers, muuzykespils van oovertyd en van nuuw en kraemtjes
van kuulteure associaesjen van Vlaenderen. En me gaen deeze keer, den 25sten
verjaerdag van de associaesje SOS Blootland vierzen mit een uutneemenden program,
den zaeterdag aevend
Om ael
te weeten van de 9ste Taele en Muuzyke Feestdaegen, je kut oek op 't nethuuseke van de Feestdaegen en op Facebook gaen kyken.
Feëste van de taelen naer Duunkerke den 23sten van maerte
Den zaeterdag 23sten van maerte, d'Akademie voor Nuuze Vlaamsche Tale gaen doen mee de feëste van de taelen naer Duunkerke.
Me gaen 'n heelen dag in 't huus van de "Communauté Urbaine" zyn van ten 9nen en haelf toet ten noene en haelf en van ten 2en toet ten 6en.
--> Den program
Me gaen 'n heelen dag in 't huus van de "Communauté Urbaine" zyn van ten 9nen en haelf toet ten noene en haelf en van ten 2en toet ten 6en.
--> Den program
OVN - 5den Forum om de vraegen van de minderhyden
De Organisaesje van de Vergaerde Naesjen het zyn 5den Forum om de vraegen van de minderhyden operecht.
ELEN (European Language Equality Network = Europeansche Werkgroep om de Gelykighyd van de Taelen), en zen Franschen prezident Tangi Louarn hen eklapt op de vraege van de moeielike situaesje van de taelen van Frankryk in de defrente streeken waervan nuus Vlaenderen.
Wet om de weerefondaesje van 't schoole - Deël 1
At d'assocyaesjen om de streeketaelen hen hoord klappen van een wet om 't schoole, een stik of 18 van deeze assocyaesjen (de ANVT doet mee) hen beschikt van te schryven an de members van 't Parlement om te vraegen van de streeketaelen in de wet te schryven deurdat ze waren "emist" van de Minysterie voor 't Schoole.
M' hen nulder een lyste van verangeringen ezendt om ze te schyven in de wet en om een brief an den minister te zenden
Veele members van 't Parlement hen nuus antoord.
Je gaet hier de brieven van 5 depuuteis en senateur van 't Noord en van den Pas de
Calais kun leezen :
- Alain Bocquet GDR Depuutei van 't Noord
- Marc-Philippe Daubresse UMP Depuutei van 't Noord
- Bernard Roman SRC - Depuutei van 't Noord
- Jean-Claude Leroy GSA Senateur van den Pas de Calais
- Stéphane Saint-André RRDP Depuutei van den Pas de Calais
Andere depuuteis lyk Jean-Pierre Allossery en
Jean-Pierre Decool hen oek verangeringen van de wet ineschreeven om nuuze streeketaelen.
8ste Taele en Muuzyke Feestdaegen
D' 8ste Taele en Muuzyke Feestdaegen zyn gereed !Lyk alle 2 jaeren, de Vlaemsche Feestdaegen zyn mee de Landen van Vlaenderen en mee Tradiflandre opericht. En dit jaer, 't is 't stei van Belle diet de feeste gaet ountvangen.
In den program van d'8ste Feestdaegen : de joungens van de schoolen gaen bezien van t vlaemsch te klappen, de vergaeringe van rhetorykers, konferensje, vlaemsche muuzykespils van oovertyd en van nuuw, expozysjen van meer of 30 kulteure associaesjen en schryvers.
In den program van de 4den Tradiflandre : groote markt van landproduukten,
Om den heelen program, klykt hier !
Om ael te weeten van d'8ste Taele en Muuzyke Feestdaegen, je kut oek op 't nethuuseke van de Feestdaegen en op Facebook gaen kyken.
Spreuken & Spreekwoorden
