Vlamsch 
Français 
English Je gaet hier d'aktyviteiten van 't gebruuk van 't vlaemsch vinden
Vlaemsche lessen, konversaesjen, ...
'T gebruuk van 't Vlamsch
De Vlamsche lessen in 't schoole en mee de associaesjen gaen weerebegunnen
Mee 't nieuw schoolejaer de Vlamsche lessen gaen voorwaert. Je gaet nog een keer veele lessen kunnen vinden.
Lessen mee de associaesjen om de groote menschen : ze gaen egeeven zyn in 17 prochjen, van Duunkerke toet Niepkerke mee 28 lessen elk weeke van den maendag toet den zaeterdag achternoene. 'T zyn oek 9 konversaesjen waer de menschen gaen Vlamsch kunnen klappen.
In 't krutschoole : 'T Vlamsch is eleerd in 4 schoolen van de arrondissement : 3 puublyke schoolen (van den CE2 toet den CM2) en een lyber schoole (van de MS toet den CM2) waer ze kunnen vansichten 't jaer 2007 de streeketaele leeren. Veele inisiaesjen gaen oek egeeven zyn in de krutschoolen van de arrondissement.
In de koleegen : Dit jaer, een lyber koleege gaet Vlamsche lessen geeven an de jonge menschen van de 6de en oek an de 5de.
Om ael te weeten je moet klyken op : vlamsche lessen 2016-2017
Audiobezoekleëders in 't Vlamsch na den Duunenfoort van Laffernhoek
Vrydag, den 24sten van garsmaend, me waeren na Laffernhoek voor dinauguuraesje
Achter een woord van Edith David, onder-maire van Laffernhoek voor de kuulteure en de patrimoonje, en van Eric Debril, direkteur van de kuulteure, de tourisme en de patrimoonje, me hen een toertje edaen in den foort al de vlamsche teksten hooren. Ze zyn styf te bedanken om dat te beschikt hen. Den Duunenfoort is nuu den tweëden muuzee mee audiobezoekleëd
'T Westvlamsch in 't schoole : een antoorde dan me en kunnen nie anveerden
Den depuutei Jean-Pierre Decool het eegen den minyster van 't Schoole Najat Vallaud-Belkacem evraegd wulk ze beschikt het voor de verkenninge van 't Westvlamsch in 't schoole. 'T is den Staetsekretaeris André Vallini die antoord het. Klykt hieronder op nhulder naemen om te hooren.
http://videos.assemblee-nationale.fr/video.3518768_5694b7ab45e1f.1ere-seance--questions-orales-sans-debat-12-janvier-2016
Den depuutei Jean-Pierre Allossery het oek eklapt in den Parlement voor 't Westvlamsch om te zeggen dat hen en anveerdt nie 't antoord van de minyster. Klykt oek hieronder op ze naeme.
Je gaet hier den tekst dan me an de gazetten ezend hen kunnen leezen.
en drie artykels van de gazetten :
Nord : le gouvernement boude (encore et toujours) le flamand
Netwoordenboek : meer of 9000 woorden
|
Mee de nieuwe versje van nieuwjaermaend 2016 je gaet 604 woorden meer vinden. |
De inevooisde menschen werken tegaere om 't Vlamsch in 't schoole
27 burgemeësters van de arrondissement van Duunkerke, 2 voorzitters van Vergaeringen van steien en durpen (91 prochien), den onder-voorzitter van den Departement om de Kuulteure, een depuutei en een senateur schryven an den minyster van 't Leeren Najat Vallaud-Belkacem omdat ze geeft de zelfde rechten an 't Westvlamsch of an de andere streeketaelen van Frankryk.
De brieven hen ezenden ewist dien dag van de Akademie voor Nuuze Vlaemsche Taele an de minysteerje.
Je gaet hier de lyste van de inevooisde menschen en nhuldere brieven kunnen leezen.
De brieven hen ezenden ewist dien dag van de Akademie voor Nuuze Vlaemsche Taele an de minysteerje.
Je gaet hier de lyste van de inevooisde menschen en nhuldere brieven kunnen leezen.
Spreuken & Spreekwoorden
