De situaesje van 't leëren van 't West-Vlamsch in Fransch-Vlaenderen in 't begun van dit nieuw schoolejaer maekt dan de weunders nydig zyn.

Vansichten 12 jaeren dat 't West-Vlamsch eleërd is in 3 puublyke kinderschoolen en een lyberschoole, nuuze Akademie en veele inevooisde menschen hen assan eegen de ministeerie van 't Leëren en eegen nhuldere diensten in nuuze streeke evraegd van zoveele te doen voor nuuze streeketaele of voor de andere taelen van Frankryk. Vansichten 12 jaeren, me vraegen oek van 't West-Vlamsch in meër en meër kinderschoolen te doen leëren en oek in de koleegjen en de lyceen lyk oek in de hooge schoolen. Me vraegen van formaesjen te geeven voor de kosters omdat nuuze schoolejongens zoveele kansen hen dat 't tweëtaelig leëren van de streeketaelen eegen de schoolejongens van de andere streeketaele geeft.

Vansichten 12 jaeren, de administraesje is lyk doofd en zegt nie waerom ze doet nieten om een soluusje te vinden.

Binst den laetsten uutkom, 3 inevooisde menschen : den depuutei Paul Christophe, de konselvrouwe van de Streeke Valérie Vanhersel, en den burgemeëster Frédéric Devos hen Valérie Cabuil, rectrice van Rysel eegenekommen om dervan te klappen. Ze hen oek eklapt van een nieuwen koster te moeten vinden in de plekke van den dien die in retraite moste gaen binst den zommer. Lofdat 't hooren van Me Cabuil, de 120 schoolejongens die 't West-Vlamsch leëren en hen geën koster evonden in September. 'T is styf slicht voor nhulder leëren van de taelen en 't uutgroeien van nhuldere kompetensjen.

Dit situaesje en is nie anveerdlik

'T is dervooren dat nuuze Akademie het eegen Me de Rectrice evraegd van een vergaeringe zo zeëre of meugelik te oprechten om een opsluut te kun vinden voor een koster van West-Vlamsch te vinden en om 't leëren van nuuze streeketaele te doen opgroeien om de zelfde kansen te geeven eegen de schoolejongens van nuuze streeke of eegen de die van de andere streeken.

Je gaet meër kun derop leezen in de tweë gazettenartykels van deeze weeke :

La Voix du Nord : Pour la première fois en douze ans, le flamand privé de rentrée des classes

Le Journal des Flandres : Enseignement : Inquiétudes autour du flamand occidental