Nuuze Akademie het enooen ewist voor de hooge vergaeringe van den Nasionaelen Raed voor de Streeketaelen en Kuulteuren na Parys in de salongs van de Ministeerie van de Kuulteure.

Me waeren rond 60 meidoenders van de ministeerien, van de Streeken, de Puublike Officen en de associaesjen. Binst 3 euren, me hen veele evraegd voor nuuze streeketaelen op internet, op de radios en televyzjen, op de publyke paneels, maer oek om helpe te krygen voor de boekdrukkinge en 't Leëren van nuuze streeketaele. De Ministeerie van de Kuulteure het oek ezeid 't gonne dat hy doet of dat hy wult doen voor nuuze taelen et de Minister Rima Abdul Malak het ezeid hoe ze steunt nuuze streekekuulteuren. De verhaeltse van deeze vergaeringe gaet eegen alle de ministeerien egeeven zyn.