’T maekt 18 jaeren dan me werken en dan me vechten om nuuze streeketaele, ’t West-Vlamsch, te doen inschryven op de officiëlle teksten van de ministeerie van Leëren. Veele Vlaemingen hen nuus holpen : de vrywilligen van de Vlamsche associaesjen, de inevooisden menschen van Fransch Vlaenderen en oek de Streeke Top van Frankryk, maer oek veele menschen van de andere streeken van Frankryk : Depuuteis, Senataers, associaesjen (FLAREP, PQVNL). 

Nuuze Akademie en nheur letten en het nooit laeten vallen, zelve at ’t styf moeilik was. Me hen assan evrocht en evrocht, assan mei-edaen mee de vergaeringen in de Streeke, na Parys en ooverael waer dan me moeten zyn.

En ’t Governement en de ministeerie van ’t Leëren hen verstaen en anveerden van ’t West-Vlamsch in de nieuwe teksten te inschryven. De nieuwe Officiëlle Gazette van de Ministeerie van ’t Leëren het vandaege bedrukt ewist en voor de eërste keër, ’t WEST-VLAMSCH IS DERINESCHREEVEN !!!

Me gaen nuu mee den Rectorat kun werken om ’t Leëren van ’t Vlamsch te propooseeren in de schoolen van nuuze arrondissement.