Loading color scheme

Nieuws

De Paradysveugels - theaeterstiksche in 't Westvlamsch voor de 2 kanten van de schreeve

Volkstheater van Flor BarbryKlappen van de taele mee Roland Delannoy
Me waeren blyde van Roland Delannoy te ontvangen, van de troupe van den Volkstheaeter  Flor Barbry voor Fransch-Vlaenderen, binste nuuze maendelike uutzendinge op Radio Uulspeegel
Den volkstheaeter is weere om 't sezoen  2016-2017.
Dat stiksche in 't Westvlamsch gaet 33 keers espeelt zyn voor de tweë kanten van de schreeve in 13 prochien van Fransch-Vlaenderen en 15 van Vlaenderen oover de schreeve van den 19sten november toet den 5den maertemaend.
'T is vansichten 't jaer 1954 dat den volkstheaeter speelt mee suukses en je en kunt de stiksches nie gaen zien en hooren zonder lachen ... of kryschen. Die stiksches zyn oek de okkaezje vansichten meer of 50 jaeren van t' hooren dat nuuze streeketaele, een taele van de Vlaemingen van de tweë kanten van de schreeve is. 
Je gaet hier den program vinden al klyken

 

De ANVT en den Raed van den Departement

CDN tourismeCDN relations internationales<===  De ANVT (JP Couché en Benedicte Crepel) was den 9sten van Oktoober mee Brigitte Astruc-Daubresse (onder-prezidente van den Departement van 't Noorden voor de tourisme en 't leeven van de associaesjen) nae La Gorgue om te werken op "Me goesten in Vlaenderen", een ekspozysje die gaet nae Rysel gebeuren op nuuze streeke in 't Huus van de Tourisme waer de bezoekers nuuze schoone streeketaele gaen kunnen hooren lik 't teëken van de streeke.

Jean-Paul Couché, voorzitter van de ANVT, was den 10sten van Oktoober nae Rysel in den Raed van den Departement van 't Noorden om mei te doen mee Sylvie Labadens, onder-prezidente voor de Internationale Zaeken voor een vergaeringe op "de Vlamsche taele en 't werk op de tweë kanten van de schreeve". Ze zyn alle tweë gereëd om tegaere te werken.      ===>

Opgaeringe van de taele

collectage linguistique



Den werkgroep "Opgaeringe van de taele" an 't werk nae Volkenhoove (Yzer-hoekhuus) mee Vlaemingen van Frankryk voor wien 't Vlamsch nhuldere moedertaele is.
Ze kommen bijeën tweê keers te maende om den woordenboek te schryven, daer en nae Steenvoorde.

De CCFI schryft in Vlamsch !

CCFICCFI VL


De CCFI (Vergaeringe van steien en durpen van Binnen-Vlaenderen) schryft in 't Vlamsch.
Je zoudt peinzen dat 't moeilik is van een tekst te schryven op de "styf vulle vlooge" in een streeketaele ?
Zeeker nie. Je gaet dat kunnen leezen et je zyt een van de 100.000 weunders van de CCFI die de gazette gaet krygen !

De Vlamsche taele : een taele van nuu !

30sten Kolokke FLAREP nae Montpellier

30ème colloque FLAREP

De kolokke voor de streeketaelen in 't Puublyk schoole het dit jaer nae Montpellier den 22sten, 23sten en 24sten van Oktoober gebeurt .

Achter de verzeekere klaps van de officieële menschen, me hen kunnen hooren wulk de menschen daervan peinzen in 't dageliksch leeven. Veele menschen die mei-edaen hen. 'T was een kolokke van kaliteit dat de FELCO, den CREO Lengadoc en OCBI opericht hen.
Binste den 2den dag van de kolokke me hen kunnen hooren dat de Oksytaensje taele een officieele taele is in de Kataloonje oover de schreeve... maer in Frankryk nie !

Den derden dag me zyn in den CIRDOC egaen, styf schoon alaem voor de Oksytaensje taele en oek de Oksytaensje kuulteure mee 150.000 boeken, CD, plakkers en geschriften. Een eksempel te volgen en een helpe voor kosters en leeraers, voor zoekers en leerlingen.
Om ael te weeten op den kolokke je moet hier klyken

Subcategorieën

Deze nieuws gaen an 't verbeeteren van 't nethuuseke

Die aktualyteiten klappen van de nieuwe boeken of CDs in 't Vlamsch maer oek van leuteprograms (theater,...)

Je gaet hier defrente uutvaelen vinden op 't vlaemsch.

Muuzyke Feestdaegen, Feesten van de taelen, ...

Je gaet hier d'aktyviteiten van 't gebruuk van 't vlaemsch vinden
Vlaemsche lessen, konversaesjen, ...

Les actualités suivantes concernent directement l'institut.

Exemples: Assemblée Générale, Réunion au Ministère de l'éductation, ...