Loading color scheme

Uutvaelen

Je gaet hier defrente uutvaelen vinden op 't vlaemsch.

Muuzyke Feestdaegen, Feesten van de taelen, ...

30sten Kolokke FLAREP nae Montpellier

30ème colloque FLAREP

De kolokke voor de streeketaelen in 't Puublyk schoole het dit jaer nae Montpellier den 22sten, 23sten en 24sten van Oktoober gebeurt .

Achter de verzeekere klaps van de officieële menschen, me hen kunnen hooren wulk de menschen daervan peinzen in 't dageliksch leeven. Veele menschen die mei-edaen hen. 'T was een kolokke van kaliteit dat de FELCO, den CREO Lengadoc en OCBI opericht hen.
Binste den 2den dag van de kolokke me hen kunnen hooren dat de Oksytaensje taele een officieele taele is in de Kataloonje oover de schreeve... maer in Frankryk nie !

Den derden dag me zyn in den CIRDOC egaen, styf schoon alaem voor de Oksytaensje taele en oek de Oksytaensje kuulteure mee 150.000 boeken, CD, plakkers en geschriften. Een eksempel te volgen en een helpe voor kosters en leeraers, voor zoekers en leerlingen.
Om ael te weeten op den kolokke je moet hier klyken

Handteëken van de 10de keure "Ja om 't Vlamsch" na Westkappel

Ja om 't Vlamsch na Westkappel

Zundag den 26sten van garsmaend, me hen de 10de keure « Ja om ’t Vlamsch » handteekt na Westkappel.

Westkappel is een prochie mit histoorje en bouwkunste. Ze is een van de laetste prochie van Fransch-Vlaenderen mit een schoon oud kasteel : ’t kasteel van de Briarde. De patrimoonje is daer ooveral en nuuze streeketaele is een deël van de Vlamsche patrimoonje. 'T is dervooren dat Westkappel en zen burgemeëster André Figoureux hen beschikt van de keure « Ja om ’t Vlamsch" te handteëken. Ze hen 4 daeden van de lyste van de keure ekoozen om te begunnen en me gaen ze helpen om ze te kunnen doen. En 't is al begunt deurdat 4 tweëtaelige straetepaneels zyn gereëd om emaekt te zyn.

Weeke van de Vlamsche Taele : van den 21sten toet den 28sten van meimaend

Weeke van de Vlamsche taele
Lik me hen 't ezeid binst nuuze jaervergaringe van april, me rechten de eerste Weeke van de Vlamsche Taele op van den 21sten toet den 28sten van meimaend.

In de plekke van de Taele en Muuzyke Feestdaegen, dat me hen binst 10 jaeren operecht, dit weeke is edaen om 't fuk van nuuze streeketaele te toogen en oek de verschillighyd van wuk me doen dermee.

Binst 8 daegen, de ANVT gaet elk dag eën of meer aktiviteiten doen in verschillige hoeksches van Fransch-Vlaenderen waer dat me Vlamsch klappen. Alleman kunt meidoen, buuten de aktiviteit voor de schoolejongens ... en 't is tweëtaelig !

Handteëken van de 9ste keure "Ja om 't Vlamsch" na Berten

9ste keure "Ja om 't Vlamsch" na Berten

Dunderdag den 26sten van meimaend, Berten was den 8ste prochie van Fransch-Vlaenderen die de Keure "Ja om 't Vlamsch" handteëkt het. Patricia Moone, burgemeëster van Berten het mee neur konsel ezeid hoe ze de Vlamsche kuulteure en de Vlamsche taele wilste onderhouden.


Ze hen 20 poointen van de keure ekoozen en, mee den 5den stap, Berten is, vandaege, 't durp die meer gaet doen om nuuze streeketaele.

Streeke vooizingen : een Streeke-office van 't Westvlamsch ?

Den kandidaet Xavier Bertrand antoord an de ANVT : hen onderhoudt nuus werk en zegt van ja om een Streeke-office van 't Westvlamsch te oprechten mee de andere meidoenders van de streeke (Departement, Vergaeringen van steien en durpen). Hen zegt dat hen gaet geld enoeg geeven om te werken.


Brief van Mr Bertrand an de ANVT