In den kaeder van de 4de Weeke van 't West-Vlamsch me hen de vuuf ingangpaneels van Maerkappel inauguureerd.

Bertrand Crépin, burgemeëster en Francis Meirland onderburgemeëster hen ezeid (in 't Vlamsch en in 't Fransch) hoe dat de prochie van Maerkappel voor nuuze streeketaele werkt : straetepaneels, wegwyzers, ingangpaneels van de prochie, gebouwennaemen, 't West-Vlamsch is nuu bykan ooveral in 't durp. Valérie Vanhersel, konselvrouwe van de Streeke, het oek ezeid hoe de Streeke "Top van Frankryk" voor 't West-Vlamsch werkt al de ANVT helpen voor de promoosje van de streeketaele lyk hier in Maerkappel. Bénédicte Crépel, konselvrouwe van de Streeke, was oek daer om deeze aktiviteiten te steunen.