Loading color scheme

'T gebruuk van 't Vlamsch

Je gaet hier d'aktyviteiten van 't gebruuk van 't vlaemsch vinden
Vlaemsche lessen, konversaesjen, ...

Le repas de Communion - pièce de théâtre transfrontalière en flamand

Netwoordenboek 2148 woorden derby

Een nieuwe versje van Garsmaend 2018 is nuu op 't nethuuzeke. Ze bedraegt 2148 woorden meer. 
T' zyn nuu 16190 woorden daerin : 8101 Vlamsche woorden (+1173) dien verfranscht zyn en 8089 Fransche woorden (+972) dien vervlamscht zyn.
En t' zyn oek 3372 eksplikaesjen (+474) om beeter te verstaen wuk de woorden wullen zeggen en 201 spreekwoorden of spreekfatsoenen (+9).

Deur de grotte van den tweëtaeligen woordenboek, me hen tweë deëlen emaekt. Je gaet nuu den Fransch-Vlamsch woordenboek op 't deël "français" van 't nethuuzeke vingen en den Vlamsch-Fransch woordenboek op 't deël "Vlamsch" vingen.

Me bedanken de letten van den werkgroep "Opgaeringe van de taele" en oek den taelekunstenaere Philippe Simon voor dat ongehoord werk die styf noodig is voor nuuze taele en 't leëren van 't Westvlamsch.

Meer Leezen

Den Uutkom - theaeterstiksche in 't Westvlamsch voor de tweë kanten van de schreeve

Volkstheater van Flor BarbryBoeksche van Flor Barbrys Theaeter
De troupe van den Volkstheaeter Flor Barbry voor Fransch-Vlaenderen is weere om een nieuw saizoen mee 't stiksche "Den Uutkom".
Dat stiksche in 't Westvlamsch gaet 33 keers espeelt zyn voor de tweë kanten van de schreeve in 12 prochien van Fransch-Vlaenderen en 15 van Vlaenderen oover de schreeve van den 18sten november toet den 4den maertemaend.
'T is vansichten 't jaer 1954 dat den volkstheaeter speelt mee suukses en je en kunt de stiksches nie gaen zien en hooren zonder lachen ... of kryschen. Die stiksches zyn oek de okkaezje vansichten meer of 50 jaeren van t' hooren dat nuuze streeketaele, een taele van de Vlaemingen van de tweë kanten van de schreeve is. 
Deeze keer, de troupe het een boeksche edrukt mee veele vertoogen van Vlaemingen van deeze kante van de schreeve dien de troupe in nhuldere prochie ontvangen of die djuuste 't stiksche mee leute gaen kyken. Schoone teksten waervan veele in nuuze streeketaele eschreeven : 't Westvlamsch. Je gaet dat boeksche gratis krygen al 't stiksche gaen zien en hooren.
Je gaet den program van dit jaer zien al hier klyken

Netwoordenboek : 2647 woorden derby

Een nieuwe versje van November 2017 is nuu op 't nethuuseke. Ze bedraegt 2647 woorden meer. 
'T zyn nuu 14042 woorden daerin : 6928 Vlamsche woorden (+1270) dien verfranscht zyn en 7117 Fransche woorden (+1377) dien vervlamscht zyn.
En 't zyn oek 2898 eksplikaesjen (+647), om beeter te verstaen wulk de woorden wullen zeggen, en 192 spreekwoorden of spreekfatsoenen (+33).

Me bedanken de letten van den werkgroep "Opgaeringe van de taele" en oek den taelekunstenaere Philippe Simon voor dat ongejhoord werk die styf noodig is voor nuuze taele en 't leëren van 't Westvlamsch.

Netwoordenboek : 2400 woorden derby

Mee de nieuwe versje van september 2017 je gaet 2386 woorden meer vinden. 
'T zyn nuu 11395 woorden daerin : 5658 Vlamsche woorden (+1474) dien verfranscht zyn en 5737 Fransche woorden (+912) dien vervlamscht zyn.
En 't zyn oek 2251 eksplikaesjen (+567), om beeter te verstaen wulk de woorden wullen zeggen, en 159 spreekwoorden of spreekfatsoenen (+14).
Je gaet oek de fonetyke kunnen vinden van alle de nieuwe woorden dien eschreeven zyn.
Klykt maer !